Batao dil ki bazi mein bhala kya bat gehri thi – Fakhira Batool Poetry




Batao dil ki bazi mein bhala kya bat gehri thi
Kaha yon to sabhi kuch theek tha par maat gehri thi

Suno! barish kabhi khud se bhi koi barh ke dekha hai
Jwab aya, un aankhon ki magar barsat gehri thi

Suno! peetam ne holy se kaha tha kya btao ge
Jwab aya, kaha to tha magar woh baat gehri thi

Dia dil ka samandar us ne tum ne kya kia us ko
Humen bas doob jana tha keh yeh soghat gehri thi

Wafa ka dashat kesa tha btao tum pe kya beeti
Bhatak jana hi tha hum ko wahan par raat gehri thi

Tum us ke zikr par kiyon doob jaty ho khyalon mein
Rfaqat aor adawat apni us ke sath gehri thi

Nazar aya tumhen us ajnabi mein kya btao ge
Suno! qatil nigahon ki woh zalim ghaat gehri thi