Hath hathon mein jab tumhara tha – Atif Saeed




Hath hathon mein jab tumhara tha
Khawab woh zindgi se piyara tha

Main ne dekhy the khawab mein ansoo
Yeh bhi shayad koi ishara tha

Jo abhi asman se toota hai
Woh mery bakhat ka stara tha

Tum mujhy ghair hi samjh lety
Mujh ko yeh sitam bhi gawara tha

Ik qadam bhi barha nahin koi
Main ne kis aas se pokara tha

Dar raha tha jo bheer se Atif
Us ko tanhaiyon ne mara tha